سعودی ریلوے ’سار‘ کےلیے بہترین رابطہ مرکز کا ایوارڈ
مقابلے میں مختلف ممالک کی معروف کمپنیاں اور ادارے شریک تھے (فوٹو: ایس پی اے)
سعودی ریلوے ’سار‘ نے ٹریول، ٹرانسپورٹیشن اور ٹورازم سیکٹر میں بہترین رابطہ مرکز کا سال 2025 کا ایوارڈ اپنے نام کرلیا۔ ورلڈ کنٹیکٹ سینٹر کے تحت ایواڈز کی تقسیم یونان میں ہوئی ہے۔
ایس پی اے کے مطابق مقابلے میں مختلف ممالک کی معروف کمپنیاں اور ادارے شریک تھے جن میں سعودی ریلوے کو بہترین ایوارڈ برائے رابطہ مرکز کا دیا گیا۔
حالیہ ایوارڈ سعودی ریلوے کی سابقہ کامیابیوں کا تسلسل ہے جس کے تحت یورپ ، مشرق وسطی اور افریقہ کی سطح پر ’گوبل ٹاپ رینکنگ پرفارمنس‘ کے حوالے سے پہلی پوزیشن اور گولڈن کیٹگری میں ’سار‘ کو شامل کیا گیا۔
سعودی ریلوے ’سار‘ کے سی ای او ڈاکٹر بشار بن خالد المالک کا کہنا تھا ’یہ انٹرنیشنل کامیابی کمپنی کی جانب سے مختلف شعبوں میں انجام دی جانے والی بہترین کارکردگی کا تسلسل ہے۔‘
انہوں نے اس بات کی یقین دلایا کہ صارفین کی بہتر خدمت ہمارے لیے انتہائی اہم ہے۔
واضح رہے ’ورلڈ کانٹیکٹ سینٹر‘ کا قیام 1999 میں آیا تھا، جس کے تحت عالمی بین الاقوامی ادارے رابطہ مراکز کی کارکردگی کا مختلف پہلو جن میں سروس کے معیار، آپریشنل تیاری اور ورک ٹیموں کی کارکردگی کا باریک بینی سے جائزہ لے کر رپورٹ پیش کی جاتی ہے۔
