جدہ اور ماسکو کے درمیان فلائی ناس کی براہ راست پروازوں کا آغاز

سعودی عرب کی معروف لو بجٹ ایئرلائن فلائی ناس نے جدہ اور ماسکو کے درمیان  براہ راست پروازوں کا آغاز کیا ہے۔

جدہ کے کنگ عبدالعزیز انٹرنیشنل ایئرپورٹ سے ماسکو کے ونوکوو انٹرنیشنل ایئرپورٹ کے درمیان ہفتے میں تین پروازیں چلائی جا رہی ہیں۔

ایس پی اے کے مطابق منگل 23 دسمبرکو جدہ ایئر پورٹ پر پہلی پرواز کی روانگی کا جشن منایا گیا۔

 سعودی ٹورازم اتھارٹی اور ایئر کنیکٹیویٹی پروگرام کے تعاون سے شروع کیے جانے والا یہ روٹ ماسکو کے ساتھ روابط بڑھائے گا۔

یہ اقدام مملکت کی سٹرٹییجک اہمیت سے فائدہ اٹھاتے ہوئے جدہ ایئرپورٹس کمپنی کے ٹریولنگ آپشن کو وسیع کرنے اور ایئرٹریفک ریونیو میں اضافے کے ہدف کو سپورٹ کرتا ہے۔

یاد رہے فلائی ناس نے اگست میں ماسکو اور ریاض کے درمیان براہ راست پروازوں کا آغاز کیا تھا۔

 فلائی ناس، دونوں ملکوں کے درمیان براہ راست فضائی سفر کےلیے مسافروں ایک اضافی اور آسان آپشن فراہم کررہی ہے۔

یہ اقدام فلائی ناس کی ترقی اور توسیع کےلیے سٹرٹیجک پلان کے فریم ورک کا حصہ ہے۔

 سعودی ایوی ایشن کی حکمت عملی 250 بین الاقوامی مقامات کو مملکت سے جوڑنے کے ساتھ 2030 تک 330 ملین مسافروں تک پہنچنے اور سالانہ 100 ملین سیاحوں کو راغب کرنے میں مدد دے گی۔

فلائی ناس مملکت سے وسطی ایشیا کے لیے براہ راست پروازیں چلانے والی سب سے بڑی سعودی  ایئرلائن ہے۔