سعودی عرب کی جانب سے لبنان میں جنگ بندی کے اعلان کا خیر مقدم

سعودی عرب نے لبنان میں جنگ بندی کے بارے میں امریکی صدر ڈونلڈ ٹرمپ کے اعلان کا خیرمقدم کیا ہے۔ لبنانی صدر جوزف عون کے اہم اور مثبت کردار کو سراہا ہے۔

امریکی صدر ڈونلڈ ٹرمپ نے کہا تھا کہ اسرائیل اور لبنان 10 روزہ جنگ بندی پر رضامند ہو گئے ہیں۔

عرب نیوز کے مطابق امریکی صدر نے جمعرات کو سوشل میڈیا پر ایک پوسٹ میں اعلان کیا ہے کہ اسرائیل اور لبنان 10 روزہ جنگ بندی پر رضا مند ہوگئے۔ اس  کا اطلاق جمعرات کی رات 9 بجے سے ہو گا۔

یہ معاہدہ ڈونلڈ ٹرمپ کی لبنانی صدر جوزف عون اور اسرائیلی وزیراعظم بنیامین نیتن یاہو کے ساتھ ’بہترین گفتگو‘ کے بعد طے پایا۔

ایس پی اے کے مطابق سعودی وزارت خارجہ نے بیان میں مملکت کی جانب سے لبنان کے وسائل، سیفٹی اور علاقائی سالمیت کے تحفظ کے لیے کوششوں کے ساتھ  ساتھ ریاست کی خود مختاری بڑھانے، ریاست اور اس کے اداردوں تک ہتھیاروں کو مجدود کرنے اور اصلاحاتی اقدامات کی سپورٹ کا اعادہ کیا۔