سعودی عربین کرکٹ فیڈریشن اور پاکستان کرکٹ بورڈ کےدرمیان جدہ میں کرکٹ سٹیڈیم کی ڈیولپمنٹ کے لیے ایک سٹریٹجک مفاہمتی یادداشت پر دستخط ہو گئے۔
سعودی عربین کرکٹ فیڈریشن کے چیئرمین شہزادہ سعود بن مشعل اور پاکستان کے وفاقی وزیر داخلہ اور پاکستان کرکٹ بورڈ کے چیئرمین محسن نقوی کی موجودگی میں بدھ کو ریاض میں معاہدے پر دستخط کیے گئے۔
توقع ہے یہ معاہدہ بین الاقوامی کرکٹ میچز اور بڑے ایونٹس کی میزبانی کے لیے سعودی عرب کی تیاری کو مضبوط بنانے میں اہم کردار ادا کرے گا۔
یہ سٹریٹجک شراکت داری مملکت میں کرکٹ کے انفرا سٹرکچر کو مضبوط بنانے، سپورٹس کی طویل مدتی ترقی میں معاونت اور بین الاقوامی کرکٹ کے لیے ایک ابھرتی ہوئی منزل کے طور پر سعودی عرب کی پوزیشن کو بڑھانے کے لیے مشترکہ عزم کی عکاسی کرتی ہے۔
اس تعاون کے ذریعے پاکستان اور سعودی عرب کرکٹ انفرا سٹرکچر کی ترقی، تیکنیکی مہارت، وینو پلاننگ اور آپریشنل سٹینڈز پر مل کر کام کریں گے تاکہ ایک جدید کرکٹ وینیو فراہم کیا جا سکے جو بین الاقوامی مقابلوں کی ضروریات کو پورا کرے۔
