سعودی عرب نے منگل کو آبنائے ہرمز سے گزرتے ہوئے سعودی آئل ٹینکر ویدیان کو نشانہ بنائے جانے پر ایران کی شدید مذمت کی ہے۔
مملکت نے قطری مائع قدرتی گیس کے ٹینکر’الرکیات‘ کو نشانہ بنائے جانے کی بھی مذمت کی اور کہا ’یہ ’ناقابل قبول حملے‘ انٹرنیشنل نیویگیشن سکیورٹی، سیفٹی اور گلوبل انرجی سپلائی لائن کی سیکورٹی پر حملہ ہیں۔
سعودی عرب نے ان حملوں اور ان کے اثرات کا ذمہ دار مکمل طور پر ایران کو ٹہرایا ہے۔
یاد رہے یہ واقعات ایسے وقت میں ہو رہے ہیں جب چند روز قبل ہی امریکہ اور ایران کے درمیان ایک مفاہمتی یادداشت اور جنگ بندی معاہدے پر دستخط ہوئے ہیں۔
اس کا مقصد تنازع کا مسقتل خاتمہ اور توانائی کے ذرائع کی تجارت کے لیے اہم ترین سمجھی جانے والی آبی گزرگاہ آبنائے ہرمز کو دوبارہ کھولنا ہے۔
