سعودی وزیر خارجہ شہزادہ فیصل بن فرحان سے قطر کے وزیر اعظم و وزیر خارجہ شیخ محمد بن عبدالرحمن بن جاسم آل ثانی اور مصر کے وزیر خارجہ ڈاکٹر بدر عبدالعاطی نے ٹیلی فون پر رابطہ کیا ہے۔
ایس پی اے کے مطابق الگ الگ رابطوں کے دوران خطے کی حالیہ صورتحال اور ان کوششوں کی سپورٹ جاری رکھنے کے طریقوں پر بات کی گئی، جن کا مقصد کشیدگی کو کم کرنا اور سفارتی حل کو فروغ دینا ہے تاکہ خلیج عرب اور بحیرہ احمر میں آبی گزر گاہوں کی سیفٹی اور سکیورٹی کو یقینی اور خطے کے امن و استحکام کو برقرار رکھا جا سکے۔
