سعودی عرب کے ولی عہد و وزیراعظم شہزادہ محمد بن سلمان اور مصری صدر عبدالفتاح السیسی کے درمیان آج ملاقات ہونے جا رہی ہے جس میں باہمی دلچسپی کے امور پر گفتگو ہو گی۔
نیوز چینل العریبیہ نے مصری ایوان صدر کا حوالہ دیتے ہوئے رپورٹ دی ہے کہ قاہرہ میں ہونے والی اس ملاقات کے دوران دونوں رہنما خطے میں ہونے والی حالیہ کشیدگی اور پیشرفت کے حوالے سے تبادلہ خیال کریں گے جبکہ اس ملاقات میں سعودی عرب اور مصر کے تعلقات کو مزید مضبوط بنانے اور باہمی تعاون کے سلسلے کو وسیع کرنے کے طریقوں پر بھی بات چیت ہو گی۔
