سعودی وزیر دفاع شہزادہ خالد بن سلمان نے پیر کو اپنے جاپان، کوریا اور آسٹریلیا کے ہم منصبوں کے ساتھ الگ الگ ٹیلی فونک رابطوں میں دفاعی تعاون اور ہم آہنگی مضبوط بنانے کے طریقوں پر تبادلہ خیال کیا ہے۔
ایس پی اے کے مطابق ان رابطوں میں سعودی عرب کے خلاف حوثی ملیشیا کے حملوں کی بھی مذمت کی گئی۔
مزید پڑھیں
سعودی وزیر دفاع نے جنوبی کوریا کے وزیر قومی دفاع کانگ شن چول کو عہدہ سنبھالنے پر مبارکباد دی ہے۔
سعودی عرب اور کوریا کے درمیان دفاعی تعاون پر تبادلہ خیال کیا گیا علاقائی اور بین الاقوامی امن کے حصول کی کوششوں کے لیے سپورٹ کا اعادہ کیا۔
شہزادہ خالد بن سلمان سے جاپان کے وزیر دفاع شنجیرو کوئزومی نے بھی ٹیلی فون پر بات کی۔
سعودی عرب اور جاپان کے درمیان مضبوط دفاعی تعاون کو اجاگر کیا اور اسے مزید مضبوط بنانے کے طریقوں پر تبادلہ خیال کیا گیا۔
In a call, I congratulated Korea’s Minister of National Defense, Kang Shin Chul, on his appointment. We discussed our defense cooperation and affirmed our support for efforts to achieve regional and global peace. We also condemned the Houthi terrorist attacks against the Kingdom.
— Khalid bin Salman خالد بن سلمان (@kbsalsaud) November 2, 2026
علاقائی سلامتی اور استحکام کے حصول کی کوششوں کی سپورٹ کی اہمیت پر زور دیا گیا۔ مملکت کو نشانہ بنائے جانے والے حوثی دہشت گردانہ حملوں کی مذمت کی۔
علاوہ ازیں آسٹریلیا کے نائب وزیر اعظم و وزیر دفاع رچرڈ مارلس کے ساتھ ٹیلی فونک رابطے میں دونوں ملکوں کے درمیان دفاعی تعاون اور ہم آہنگی بڑھانے کے طریقوں پر تبادلہ خیال کیا گیا۔
سلامتی اور استحکام کی سپورٹ اور علاقائی چیلنجوں سے نمٹنے کے لیے عزم کا اعادہ کیا۔
