Sorry, you need to enable JavaScript to visit this website.

قیادت کے سا منے سچ بولتا رہوں گا، چوہدری نثار

اسلام آباد...سابق وزیرداخلہ چوہدری نثار نے کہاہے کہ آئندہ چند دنوں میں وضاحت کروں گا کہ کابینہ میں شامل کیوں نہیں ہوا۔روات میں جلسے سے خطاب کرتے ہوئے انہوں نے کہا کہ ملک خطرات میں گھرا ہوا ہے لیکن گالم گلوچ کی سیاست ہورہی ہے۔ یہاں جھوٹ اور سچ میں تمیز بہت تھوڑی رہ گئی۔ لوگوں کو پتہ نہیں چل رہا کہ سچ کون بول رہا ہے اورجھوٹ کون بول رہا ہے۔سابق وزیرداخلہ نے کہا کہ ملک میں حکومتوں کو خوشامد کا کلچر کھا گیا ۔ اصل وفاداری یہ ہے لیڈر کے سامنے خوشامد نہ کی جائے بلکہ سچ بات کی جائے ۔ سچ بات کرتا رہوں گا۔ انہوں نے کہا کہ نوازشریف سے وزیراعظم کا عہدہ تو لے لیا گیا مگر لیڈری کوئی نہیں لے سکتا۔ مشکل ترین وقت میں پارٹی اورملک کومشکل حالات سے نکالنا ہے۔چوہدری نثار نے کہا کہ خود کوپاکستان کا خوش قسمت ترین شخص سمجھتا ہوں کہ عوام میرے ساتھ ہیں عزت عہدوں میں نہیں کردار میں ہوتی ہے۔

 

شیئر: