ولی عہد شہزادہ محمد بن سلمان سے جنرل قمر باجوہ کی ملاقات
ریاض: ولی عہد ووزیر دفاع شہزادہ محمد بن سلمان سے پاکستانی آرمی چیف جنرل قمر جاوید باجوہ نے ملاقات کی۔ المعذر میں واقع ولی عہد کے دفتر میں ہونے والی ملاقات کے دوران دونوں رہنماؤں نے باہمی دلچسپی کے امور کے علاوہ دونوں ممالک کے درمیان عسکری شعبوں میں تعاون کے فروغ پر گفتگو کی۔ اس موقع پر ولی عہد کے مشیر برائے عسکری امور جنرل انجینئر طلال العتیبی اور پاکستانی سفارتخانے کے عہدیداران موجود تھے۔
