عمائمہ ملک کی ایف آئی اے کو شکایت

اداکارہ عمائمہ ملک نے سوشل میڈیا پر ہراساں کرنے کے بارے میں ایف آئی اے لاہورکو تحریری شکایت کر دی۔اداکارہ  کا کہنا ہے کہ نامعلوم افراد انہیں سوشل میڈیا کے ذریعے ہراساں کر رہے ہیں،ان کے خلاف کارروائی کی جائے۔ انہیں کافی عرصے سے نازیبا اور دھمکی آمیز پیغامات موصول ہورہے ہیں اور گزشتہ چار ماہ سے وہ سخت ذہنی تشدد کا شکار ہیں۔ وہ اکیلی یہ ذہنی تشدد برداشت کررہی ہیں تاہم اب انہوں نے اس کے خلاف آواز اٹھانے کا فیصلہ کرلیا ہے۔عمائمہ نےکہا کہ  مجھے موصول ہونے والے دھمکی آمیز پیغامات نے میری زندگی کو پریشان کرکے رکھ دیا ہے ۔ اب وقت آگیا ہے کہ اس تشدد کا خاتمہ کردیا جائے۔بحیثیت انسان مجھے معلوم ہے کہ سوسائٹی، شوبز انڈسٹری، میری فیملی اور خود میرے لئے میری کیا ذمہ داریاں ہیں۔واضح رہے کہ اداکارہ عمائمہ ملک ان دنوں پاکستانی اداکار شان شاہد کی فلم ارتھ کی تشہیر میں مصروف ہیں۔یہ فلم 1982ء میں ریلیز کی گئی ہندوستانی  فلم ارتھ کا پاکستانی ورژن ہے جس کے ہدایت کارمہیش بھٹ تھے۔یہ فلم رواں سال 21 دسمبر کو ریلیز کی جائے گی۔