یوپی کی4یونیورسٹیوں میں وائس چانسلرز کی تقرری
لکھنؤ۔۔۔۔۔اترپردیش کے گورنر رام نائک نے ریاست کی 4یونیورسٹیوں کے وائس چانسلرزکی تقرری کا اعلان کیاہے۔ پروفیسر کملیشورناتھ سنگھ (شعبہ جغرافیہ کے صدر ، دین دیال اپادھیائے ، گورکھپور یونیورسٹی ،گورکھپور) کو یوپی راجرسی ٹنڈن مکت یونیورسٹی ،الہ آباد کا وائس چانسلر منتخب کیا گیا۔پروفیسر نریندر بہادر سنگھ (شعبہ انجینیئرنگ ،انسٹی ٹیوٹ آف انجینیئرنگ اینڈ ٹیکنالوجی ، لکھنؤ) کو ہرکورٹ بٹلر یونیورسٹی کانپور کا اور پروفیسر جے ایس سندھو کو کرشی یونیورسٹی کمار گنج فیض آبادکا وائس چانسلربنایاگیا۔علاوہ ازیں پروفیسر نیلیماگپتا ( صدر شعبہ مویشی پروری ،جیوتیبا پھولے روہیل کھنڈیونیورسٹی )کو ساہوجی مہاراج یونیورسٹی کانپور کاوائس چانسلرمقررکیاگیا۔
