قائد لیگ کے رہنما بلے کے نشان پر الیکشن لڑینگے

راولپنڈی...راولپنڈی میں پنجاب اسمبلی کی نشست پر تحریک انصاف اور مسلم لیگ (ق)لیگ کے درمیان دلچسپ سیٹ ایڈجسٹمنٹ ہونے کے بعد (ق) لیگ کے امیدوار راجہ بشار ت اپنی پارٹی کے انتخابی نشان ٹریکٹر کو چھوڑ کر تحریک انصاف کے انتخابی نشان بلا پر الیکشن لڑےنگے۔ تحریک انصاف نے پنجاب اسمبلی کے حلقہ پی پی 14 راولپنڈی کی نشست پر راجہ بشارت کو پارٹی ٹکٹ جاری کیا ہے۔ راجہ بشارت مسلم لیگ (ق )کے سینئر رہنما ہیں اور پنجاب کے سابق صوبائی وزیر قانون رہ چکے ہیں۔اس سے قبل تحریکِ انصاف نے یہاں سے ٹکٹ اپنے امیدوار زیاد کیانی کو ٹکٹ جاری کیا تھا بعد ازاں ان سے ٹکٹ واپس لے کر راجہ بشارت کو دےدیا گیا۔ راجہ بشارت نے تحریک انصاف کا ٹکٹ ملنے کی تصدیق کرتے ہوئے کہا کہ میں مسلم لیگ (ق) میں موجود ہوں تحریک انصاف میں شامل نہیں ہوا۔ انہوں نے کہا کہ تحریک انصاف سے صرف پارٹی ٹکٹ لیاہے میں ٹریکٹر کی بجائے بلے کے انتخابی نشان سے الیکشن لڑونگا۔اس حلقے میں مسلم لیگ (ن) کی جانب سے سینیٹر چوہدری تنویر کے صاحبزادے اسامہ چو ہدری امیدوار ہیں۔

مزید پڑھیں:کس بات کا الیکشن،پیسہ بر باد کیا جا رہا ہے،ریحام