لاہورکالج فارویمن کی وی سی برطرف
اتوار 29 جولائی 2018 3:00
لاہور... لاہورکالج فارویمن یونیورسٹی میں وی سی کی خلاف میرٹ تقرری کیس میں چیف جسٹس ثاقب نثار نے رپورٹ کی روشنی میں وی سی ڈاکٹرعظمیٰ کوعہدے سے فارغ کرتے ہوئے 30 دن میں نیاوائس چانسلرتعینات کر نے کی ہدایت کردی۔ لاہورکالج فارویمن یونیورسٹی میں وی سی کی خلاف میرٹ تقرری کیس کی سماعت چیف جسٹس نے سپریم کورٹ لاہور رجسٹری میں کی۔عدالت میں پیش کی گئی رپورٹ کی روشنی میں چیف جسٹس نے وی سی ڈاکٹرعظمیٰ کوعہدے سے فارغ کردیا۔ سفارش کرنیوالے علامہ اقبال اوپن یونیورسٹی کے ڈین سے متعلق رپورٹ بھی طلب کر لی۔ استفسار کیا کہ پہلے یہ بتائیں کہ ان کا تقرر کیسے ہوا ؟۔ چیف جسٹس نے ریمارکس دیئے کہ کسی کے ساتھ کچھ غیر قانونی اور ناجائز نہیں ہوگا۔ یونیورسٹی میں سینئرپروفیسرکوایکٹنگ وی اور 30 دن میں نیاوائس چانسلرتعینات کیا جائے۔
