باحہ۔۔۔یہاں والدین کے برابر میں کھڑے ہوئے ایک بچے کو ایک گاڑی کچل کر فرار ہو گئی۔ تفصیلات کے مطابق باحہ میں ہلال احمر کے ترجمان عماد الزہرانی نے بتایا کہ جمرات کو شام 4.36پر اطلاع ملی کہ ایک بچہ اپنے والدین کے ہمراہ سڑک کے کنارے کھڑا تھا۔ اچانک وہ سڑک پار کرنے لگا اسی دوران ایک تیز رفتا ر کار آئی اسے کچل کر چلی گئی۔ بچے کے سر پر زخم آئے جب کہ والدین انتہا درجے گھبرا گئے۔ بچے کو فوراً ہی ابتدائی طبی امداد فراہم کی گئی اور شہزادہ مشاری جنرل اسپتال علاج کیلئے منتقل کر دیا گیا۔ بچے کے سر میں آنے والا زخم پرخطر ہے۔
