پیپلز پارٹی کی اہم شخصیت کی نواز شریف سے جیل میں ملاقات
جمعرات 10 جنوری 2019 3:00
لاہور: سابق گورنر پنجاب اور پیپلز پارٹی کے رہنما مخدوم احمد محمود نے کوٹ لکھپت جیل لاہور میں مسلم لیگ ن کے قائد اور سابق وزیر اعظم میاں محمد نواز شریف سے ملاقات کی ہے ۔ ذرائع کے مطابق پیپلز پارٹی کے رہنما مخدوم احمد محمود کی نواز شریف سے جیل میں ملاقات 15 منٹ تک جاری رہی۔
ملاقات کے بعد میڈیا سے بات کرتے ہوئے سابق گورنر پنجاب کا کہنا تھا کہ پنجاب میں حکومت کہیں نظر نہیں آرہی ، حکومت کا کام وژن دینا ہوتا ہے لیکن صوبے میں ایسا کچھ بھی نہیں ہے ۔ اس موقع پر ان کا کہنا تھا کہ ترقی یافتہ ممالک میں قومی لیڈرشپ پر مشکل وقت آتے رہتے ہیں ان سے گھبرانا نہیں چاہیے ۔
