عمران خان ایشیا کی مقبول ترین شخصیت؟

اسلام آباد... وزیر اعظم عمران خان کو ایشیا کی مقبول ترین شخصیت قرار دیا گیا ہے ۔ نوبل انعام یافتہ ملالہ یوسف زئی کی زندگی پر مبنی فلم کی نمائش لندن میں ہوئی۔ دنیا بھر کی 400 سے زائد معروف شخصیات نے شرکت کی۔ تقریب میں ماہر آئین و قانون ، چیئرمین نیشنل ڈیمو کریٹک فاﺅنڈیشن کنور محمد دلشاد بھی موجود تھے ۔ اس موقع پر ہند ، امریکہ، کینیڈا اور یورپ سے تعلق رکھنے والے مندوبین نے کنور محمد دلشاد سے گفتگو کرتے ہوئے کہا کہ وزیر اعظم عمران خان ایشیا کی مقبول ترین شخصیت ہیں ۔ توقع کی جارہی ہے کہ ان کے دور حکومت میں ہند اور پاکستان کے درمیان خوشگوار تعلقات کا دور شروع ہوگا اور کئی متنازعہ معاملات کا حل نکل آئے گا ۔ وزیر اعظم عمران خان کو مغرب میں بھی پذیرائی مل رہی ہے توقع کی جارہی ہے کہ جنرل قمر جاوید باجوہ کی ڈاکٹرائن پر عمل درآمد سے خطہ میں امن آئے گا ۔