لاہور...وزیر مملکت برائے ریو نیو حماد اظہر نے کہا ہے کہ حکومت معیشت کی ترقی کےلئے دن رات کوشاں ۔ 5 سال میں ملک کے حالات بدلیں گے۔دنیا میں جتنی بھی قوموں نے ترقی کی ہے وہ تعلیم کی بنیاد پر کی ہے۔موجودہ حکومت بھی اسی فارمولے پر عمل پیرا ہے ۔ ایک تقریب میں خطاب کرتے ہوئے انہوں نے کہا کہ حکومت ملک میں یکساں نظام تعلیم نافذ کرے گی ۔ اس کےلئے عملی اقدامات شروع کر دئیے گئے ۔ سرکاری اسکولز کا معیار بھی ا مراءکے ا سکولز کے برابر کریں گے۔ انہوں نے کہا کہ ملک میں صرف تعلیم کی کمی ہے۔تاریکی کو علم کی شمع سے ختم کریں گے۔ ملک کے4 کروڑ بچے اسکولوں سے باہر ہیں ۔ اس لئے ملک میں تعلیمی ایمر جنسی نافذ کرنے کا وقت آ گیا ۔انہوں نے کہا کہ لاہور جیسے شہر کی 70فیصد آبادی کو صاف پانی سے میسر نہیں جو لمحہ فکریہ ہونا چاہیے۔ ملک میں دیانتدار قیادت کی کمی تھی جو دور ہو چکی ہے۔اب عوام کو زندگی کی بنیادی سہولیات ان کی دہلیز پر میسر آئیں گی۔ حماد اظہر نے کہا کہ ٹیکسوں کے بغیر ملک آگے نہیں بڑھ سکتا۔ ٹیکس کی ا دائیگی ہر شہری کا فرض ہے جسے پورا کرنا چاہئے۔
