کھاتیداروں کا شکاری گروہ گرفتار

دمام ۔۔۔ الشرقیہ پولیس نے کھاتیداروں سے اسلحہ کے بل پر رقم لوٹنے والے 4ایتھوپین کو گرفتار کرلیا۔الشرقیہ پولیس کے ترجمان کرنل زیاد الرقیطی نے یہ اطلاع دیتے ہوئے بتایا کہ کھاتیداروں کو لوٹنے والا گروہ 4افراد پر مشتمل تھا۔ یہ عمر کے چوتھے عشرے میں ہے۔ پوچھ گچھ پر انہوں نے اعتراف کیا کہ وہ دمام اور الخبر میں رہزنی کرکے 250ہزار ریال سے زیادہ لوٹ چکے ہیں۔ اس سے قبل سوشل میڈیا پر ایک وڈیو کلپ وائرل ہوگیا تھا جس میں دیکھا گیا تھا کہ بعض لوگ کھاتیداروں کا تعاقب کررہے ہیں اور ان سے ہتھیار کے بل پر رقم چھین رہے ہیں۔