اسلام آباد ... وزیر اعظم عمران خان نے یوم پاکستان پر ہندوستانی وزیراعظم نریندر مودی کے تہنیتی پیغام کا خیر مقدم کیا ہے ۔ جوابی ٹوئٹ میں عمران خان نے کہا کہ میرا خیال ہے کہ یومِ پاکستان کی خوشیاں سمیٹنے کیساتھ ہم تمام تصفیہ طلب مسائل خصوصاً کشمیر جیسے مرکزی تنازع کے حل کیلئے ہند سے جامع مذاکرات شروع کریں اور اپنے لوگوں کیلئے امن و خوشحالی کی بنیاد پر نئے تعلقات کا آغاز کریں۔
I welcome PM Modi's message to our people. As we celebrate Pakistan Day I believe it is time to begin a comprehensive dialogue with India to address & resolve all issues, esp the central issue of Kashmir, & forge a new relationship based on peace & prosperity for all our people.
— Imran Khan (@ImranKhanPTI) March 22, 2019
قبل ازیں عمران خان نے ٹوئٹ کیا تھا کہ ہندوستانی وزیر اعظم نریندر مودی کا پیغام موصول ہوا ہے۔ انہوں نے پاکستانی عوام کو "یوم پاکستان" کی مبارکباد پیش کرتے ہوئے انکے لئے نیک تمناوں کا اظہار کیا ہے ۔مودی نے کہا کہ وقت آگیا ہے کہ برصغیر کے عوام تشدد اور دہشت گردی سے پاک ایک جمہوری، پرامن، ترقی پسند اور خوشحال خطے کیلئے باہم ملکر کام کریں۔واضح رہے کہ حالیہ پاک،ہند کشیدگی کے دوران وزیراعظم عمران خان نے پارلیمنٹ میں خطاب کرتے ہوئے کہا تھا کہ ہندوستانی وزیر اعظم مودی سے رابطے کی کوشش کی لیکن بات نہیں ہوسکی۔
Received msg from PM Modi: "I extend my greetings & best wishes to the people of Pakistan on the National Day of Pakistan. It is time that ppl of Sub-continent work together for a democratic, peaceful, progressive & prosperous region, in an atmosphere free of terror and violence"
— Imran Khan (@ImranKhanPTI) March 22, 2019