خاتون صحافیوں کو باہر کوریج کی اجازت

سعودی خواتین صحافیوں کو آؤٹ ڈور سرگرمیوں کے حوالے سے صرف خواتین کے درمیان کام کرنے کی اجازت تھی
سعودی عرب نے خاتون صحافی اور رپورٹرز کو آؤٹ ڈور سرگرمیوں کی کوریج کی اجازت دیدی۔ اب وہ نہ صرف مختلف سرگرمیوں کی کوریج کر سکتی ہیں بلکہ آؤٹ ڈور رپورٹنگ بھی کریں گے۔
عاجل ویب سائٹ کے مطابق وزارت اطلاعات اور وزارت داخلہ نے ایسی خواتین کو اسٹوڈیو کے احاطے سے باہر ہونے والی سرگرمیوں کی کوریج اور رپورٹنگ کی اجازت دی ہے جن کے پاس کام کرنے کا اجازت نامہ ہے۔ وہ اپنا میڈیا کارڈ دکھا کر کسی بھی قسم کی سرگرمیوں کی کوریج کریں گے اور جس ایونٹ کی چاہیں گی رپورٹنگ کریں گی۔

خواتین میڈیا کارڈ دکھا کر کسی بھی قسم کی سرگرمیوں کی کوریج اور ایونٹ کی رپورٹنگ کریں گی

وزارت اطلاعات کے تحت سعودی میڈیاجنرل کمیشن نے کہا ہے کہ مرد صحافیوں کی طرح خواتین کو بھی کام کرنے کی اجازت ہے بشرطیکہ ان کے پاس میڈیا کارڈ یا کام کرنے کا اجازت نامہ موجود ہو۔
کمیشن نے کہاہے کہ بنیادی منظوری کے بعد کمیشن اور وزارت داخلہ اس حوالے سے ضابطہ اخلاق مرتب کریں گے جن کے تحت خواتین محفوظ طور پر کام کرسکیں گی۔
واضح رہے کہ اس سے قبل خواتین صحافی اور رپورٹرز کو آؤٹ ڈور کام کرنے کی اجازت پر غور کیا گیا تاہم سعودی کابینہ نے اس پر فیصلہ موخر کیا تھا۔ سعودی خواتین صحافیوں کو آؤٹ ڈور سرگرمیوں کے حوالے سے صرف خواتین کے درمیان کام کرنے کی اجازت تھی۔
 

شیئر: