پرچم کی توہین پر ایک برس قید اور تین ہزار جرمانے کی سزا ہے ۔ فائل فوٹو اے ایف پی
وزارت عدل و انصاف نے پھر واضح کیا ہے کہ قومی اور شاہی پرچم کی توہین پر ایک برس قید اور تین ہزار جرمانے کی سزا ہے۔
اخبار 24 کے مطابق وزارت عدل و انصاف نے قومی اور شاہی پر چم کی توہین کرنے پر مقررہ سزا کے حوالے سے بتایا کہ کوئی بھی ملکی یا غیر ملکی قومی یا شاہی پرچم کی توہین کا مرتکب ہوتا ہے تو اسے سز ا دی جائے گی۔
بیان میں کہا گیا کہ کسی بھی قسم کی قومی علامت یا دوست ملکوں کے پر چموں کی توہین پر بھی یہ سزا دی جائے گی۔ خواہ اس قسم کا جرم پبلک مقام پر یا انفرادی طور پر کیا کیا گیا ہو۔
وزارت عدل و انصاف کے مطابق سعودی عرب یا دوست ممالک سے اظہار نفرت بھی جرم تصور کیا جائے گا۔
سعودی عرب میں قومی پرچم کے احترام کے قوانین نافذ ہیں۔ فائل فوٹو
وا ضح رہے کہ سعودی عرب میں قومی پرچم کے احترام کے قوانین نافذ ہیں۔ اس حوالے سے وزارت عدل وانصاف کسی قسم کی کوتاہی نہیں برتی ۔
یاد رہے کہ سعودی پرچم سوگ ، قدرتی آفت یا کوئی بڑا سانحہ رونما ہوجائے ۔ اسے سرنگوں نہیں کیا جاتا ۔ اسے زمین اور گندے پانی پر رکھنے، ناپاک مقامات پر لے جانے یا پرچم پر بیٹھنے کی ممانعت ہے۔ یہ پابندی قومی پرچم پر تحریر کلمے کے احترام میں کی جاتی ہے۔
ٹی شرٹس یا قمیضوں پرسعودی پرچم کا نقش بھی منع ہے۔ سعودی سپورٹس حکام نے کھیلوں کے مقابلوں میں عوام کے لیے متبادل پرچم تیار کررکھا ہے۔
واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں
