مدینہ:پولیس پر فائرنگ کرنے والا گرفتار

مدینہ پولیس کے ترجمان کے مطابق پولیس پر فائرنگ کرنے والے ایک شخص کو گرفتار کر لیا گیا ہے۔

سعودی خبر رساں ادارے ایس پی اے نے ریجنل پولیس ترجمان کے حوالے سے بتایا ہے کہ ’مدینہ منورہ میں پولیس کو اطلاع ملی کہ ایک شخص نے گاڑی پر فائرنگ کی۔ جب گاڑی کا ڈرائیور نیچے اترا تو اس نے اسے اپنی گاڑی سے کچلنے کی بھی کوشش کی اور موقعے سے فرار ہوگیا‘۔

پولیس نے واقعے کی اطلاع ملتے ہی فوری طور پر پٹرولنگ یونٹس کو مطلع کیا اور علاقے کو گھیرے میں لے لیا گیا جس کے بعد پولیس جلد ملزم تک پہنچ گئی۔ 

پولیس بیان کے مطابق ملزم سعودی شہری ہے جس کی عمر 40 سال بتائی جاتی ہے۔ گرفتاری کے آپریشن کے دوران تین پولیس اہلکار بھی زخمی ہوئے جنہیں ہسپتال منتقل کر دیا گیا۔

مزید تفصیلات موصول نہیں ہو سکی تھیں جن کے بارے میں یہ کہا جاسکے کہ ملزم نے فائرنگ کیوں کی۔ اس حوالے سے تحقیقات جاری ہیں۔

دریں اثناءگورنر مدینہ منورہ نے ہسپتال میںزخمی اہلکاروں سے ملاقات کی اور ان سے خیریت دریافت کی ہے۔