آرمی کا تربیتی طیار گرنے سے دو پائلٹ ہلاک

پاکستان کی آرمی ایوی ایشن کا تربیتی طیارہ گجرات کے قریب گر کر تباہ ہونے سے ایک افسر اور تربیتی پائلٹ ہلاک ہو گئے ہیں۔

فوج کے شعبہ تعلقات عامہ آئی ایس پی آر کے مطابق آرمی کا تربیتی مشاق طیارہ معمول کے ٹریننگ مشن پر تھا جب پیر کی صبح گجرات کے قریب گر کر تباہ ہوا۔

بیان کے مطابق انسٹرکٹر پائلٹ میجر عمر اور سٹوڈنٹ پائلٹ لیفٹیننٹ فیضان حادثے میں ہلاک ہو گئے۔

آئی ایس پی آر کے مطابق میجر عمر کا تعلق گجرات سے تھا اور انہوں نے پسماندگان میں بیوہ چھوڑی ہیں جبکہ لیفٹیننٹ فیضان کا تعلق ضلع چکوال کے علاقے کلر کہار سے تھا۔

خیال رہے مارچ کے مہینے میں اسلام آباد میں پاکستانی فضائیہ کا ایک ایف 16 طیارہ گر کر تباہ ہو گیا تھا جس میں پائلٹ ونگ کمانڈر نعمان اکرم ہلاک ہو گئے تھے۔

پاکستان فضائیہ کے مطابق تباہ ہونے والا جنگی طیارہ ایف سولہ 23 مارچ کو منعقد ہونے والی یوم پاکستان کی تقریبات کے حوالے سے تیاریوں میں شریک تھا کہ شکر پڑیاں کے قریب گر کر تباہ ہو گیا۔

• واٹس ایپ پر پاکستان کی خبروں کے لیے ’اردو نیوز‘ گروپ جوائن کریں