کورونا سے صحت کو خطرہ مگر لبنان میں نوجوان حقے کے شوقین

لبنان میں حقہ پینے کے شوقین افراد اس انتباہ کے باوجودکہ تمباکو نوشی کے وقت کورونا وائرس سے صحت کو زیادہ خطرات لاحق ہیں کیفے اور ریستوران کا رخ کر رہے ہیں۔

لبان کے وزیر برائے سیاحت رمزی مشرفی نے کچھ دن قبل ریستوران اور کافی شاپش کو حقہ فراہم کرنے کی اجازت دی تھی۔ اگرچہ چند قہوہ خانوں نے گاہوں کو متوجہ کرنے کے لیے ہفتوں پہلے ہی حقہ فراہم کرنا شروع کر دیا تھا۔ 

سینہ اور ایمرجنسی کے ماہر ڈاکر ویل جاروش نے عرب نیوز کو بتایا ’حقہ اکیلے ہی صحت کے لیے مکمل طور پر نقصان دہ ہے اور اب کورونا وائرس کے پھیلاؤ سے اس کا نقصان بہت زیادہ ہے۔‘

جاروش ایسے ریستوان مالکان سے چڑتے ہیں جن کا دعویٰ ہے کہ وہ بچا ہوا کھانا پھینک کر اپنے گاہکوں کی صحت کی حفاظت کر رہے ہیں لیکن ساتھ ہی انہیں حقہ بھی پیش کر رہے ہیں۔

جاروش نے مزید کہا ’گویا صرف حقہ پینا لوگوں کی صحت کے لیےخطرہ نہیں ہے۔‘

لبنان کے تازہ ترین اعدادوشمار سے پتہ چلتا ہے کہ 16 اور 18 سال کی عمر کی 33 فیصد لڑکیاں اور اسی عمر کے 42 فیصد نوجوان لڑکے حقہ پیتے ہیں اور یہ ایک حقیقی تباہی ہے۔

ریستوران، قہوہ خانوں، نائٹ کلبوں اور پیسٹریوں کے مالکان کے سنڈیکیٹ کے صدر ٹونی ریمی نے کہا ہے کہ ایک چوتھائی لوگ ریستوران اور کیفے میں حقہ پینےگئے تھے۔

انہوں نے عرب نیوز کو بتایا ’ریستوران اور کیفے کو ان کے مالی بحران سے کوئی نہیں بچا سکتا لیکن حقہ ریستوران میں ایس فضا کو بحال کرے گا جو لنبانی کھانوں کی اضافی قیمت حاصل کرے گا۔‘

انہوں نے کہا کہ لبنان میں 2500 کیفے موجود ہیں اور انہیں دوبارہ حقہ مہیا کرنے کی اجازت دینے سے ان کے کاروبار میں اضافہ ہو سکتا ہے۔  

مشرفی جو خود ایک ڈاکٹر ہیں نے یہ شرط عائد کی کہ لبنان میں حقہ صرف باہر سے آنے والے لوگوں کو  فراہم کیا جائے۔ انہوں نے لوگوں کو تمباکو نوشی سے صحت اور سانس کے نظام پر ہونے والے نقصانات سے آگاہ کیا۔

لبنانی آرڈر آف فزیشنز کے صدر ڈاکٹر چراف ابو چراف نے مشرفی کو تنقید کا نشانہ بنایا اور اس قانون پر عمل درآمد کرنے پر زور دیا جس میں لبنان میں عوامی جگہوں پر سگریٹ نوشی سے منع کیا گیا تھا  چاہے وہ باہر یاگھر کے اندر ہو ۔

انہوں نے عرب نیوز کو بتایا ’ہر طرح کی سگریٹ نوشی سے کورونا وائرس کا خطرہ بڑھ جاتا ہے۔ خاص طور پر حقہ پیتے ہوئے جب کوئی اپنے ہاتھوں سے بار بار چہرہ چھونے پر مجبور ہوتا ہے۔

انہوں نے کہا ’تمباکو نوشی سے پیچیدگیوں کا خطرہ بڑھ جاتا ہے جب تمباکو نوشی کرنے والے کورونا وائرس کا معاہدہ کرتے ہیں (وہ) تمباکو نوشی نہ کرنے والے کے معاملے سے زیادہ ہیں۔‘

انہوں نے کہا کہ سگریٹ نوشی پر ایک سال میں 53 ملین ڈالر خرچ ہوتے ہیں۔انہوں نے حکومت سے مطالبہ کیا کہ کورونا وائرس کے خلاف جنگ میں جو کچھ حاصل ہوا ہے اسے ضائع نہ کریں۔

انہوں نے حکومت سے اپیل کی کہ وہ موجودہ صورتحال سے فائدہ اٹھائے اور لبنان کو ’تمام  وبائی امراض سے‘نجات دلائے۔