سعودی عرب میں مصنوعی ذہانت کے ادارے (سدایا) نے سماجی فاصلے کی ’تباعد‘ ایپ کے استعمال کا طریقہ جاری کیا ہے۔ اس سے قبل سدایا نے اینڈرائڈ سسٹم کے موبائلز کے لیے تباعد ایپ جاری کی تھی۔
عاجل ویب سائٹ کے مطابق سدایا نے ٹوئٹر پر تباعد ایپ کے حوالے سے بتایا کہ پہلے آئی فون یا اینڈرائڈ سسٹم کے موبائلز پر ایپ کو ڈاؤن لوڈ کیا جائے۔ سکرین سامنے آئے گی جہاں ہدایات درج ہوں گی انہیں اچھی طرح سے پڑھ کر پھر بلوٹوتھ کو ایکٹیو کرنا ہوگا۔
مزید پڑھیں
-
کورونا: ایپلیکیشن ’موعد‘ سے 6 لاکھ افرد مستفیضNode ID: 474586
بعدازاں سکرین پر کارروائی مکمل کرنے کی ہدایات آئے گی اور انفارمیشن وصول کرنے کی اجازت دی جائے گی۔ سکرین پر بتایا جائے گا کہ آیا تباعد ایپ موثر ہوگئی ہے یا نہیں جس کے بعد ’نشط‘ سبز رنگ میں لکھا ہوا نظر آئے گا اس کے معنی ہیں کہ ایکٹیو کیجیے۔ سکرین کے نیچے ایک جملہ تحریر ہوگا (گزشتہ 14 روز کے دوران کورونا سے متاثر) دوسرا جملہ یہ ہوگا کہ (گزشتہ 14 دن کے دوران کورونا سے متاثر نہیں ہوا)۔
اگر آپ کورونا وائرس سے متاثر ہوئے ہیں اور وزارت صحت کے جاری کردہ کورونا ٹیسٹ کے رزلٹ سے اس کی توثیق ہو چکی ہے تو سکرین کے ذریعے آپ ہر اس شخص جس سے آپ گزشتہ 14 روز کے دوران ملے ہوں، اطلاع دینا ہوگی۔ اس کے لیے پیغام بھیجنے والی علامت کو پش کرنا ہوگا۔ اس کے بعد وزارت صحت کی کارروائی پر عمل درآمد شروع کیا جائے گا۔
تباعد ایپ میں یہ بات واضح کی گئی ہے کہ ہر رپورٹ کو چیک کیا جاتا ہے اسی وجہ سے قومی شناختی کارڈ یا اقامے کا نمبر اور تاریخ پیدائش کا اندراج کرانا ہوتا ہے۔
تباعد ایپ کے لیے انٹرنیٹ کی ضرورت پیش نہیں آتی۔ یہ ایپ بلیو ٹوتھ ٹیکنا لوجی سے موثر رہتی ہے اور تمام معلومات موبائل پر محفوظ ہوتی ہیں البتہ اپ ڈیٹ کرنے اور اطلاعات کے لیے ایپ کھولتے وقت انٹرنیٹ ضروری ہے۔