بدھ سے شروع ہونے والے نیشنل ٹی ٹوئنٹی ٹورنامنٹ کے پروڈکشن حقوق کا معاملہ ایک بار پھر پاکستان میں سماجی رابطوں کی ویب سائٹ ٹوئٹر پر ٹرینڈ کر رہا ہے۔
ٹوئٹر پر ’پی سی بی جواب دو‘ کے نام سے ٹرینڈ کے تحت صارفین پاکستان کرکٹ بورڈ سے نیشنل ٹی ٹوئنٹی اور زمبابوے کے خلاف ہوم سیریز کے نشریاتی حقوق ایک انڈین کمپنی کو دینے پر جواب طلب کر رہے ہیں۔
شوزب نامی صارف نے ٹویٹ کرتے ہوئے لکھا کہ پی سی بی نے ڈومیسٹک کرکٹ اور زمبابوے کے دورہ پاکستان کے پروڈکشن حقوق ’سپورٹس ورکس‘ نامی انڈین کمپنی کو دے دیے ہیں، جبکہ ٹی ٹوئنٹی اور ہوم سیریز کے حقوق وزیراعظم عمران خان کی موجودگی میں پاکستان ٹیلی ویژن کو دیے گیے تھے۔ صارف نے اچانک تبدیل ہونے والے اس فیصلے اور شفافیت کے حوالے سے سوال اٹھایا۔
Production rights of domestic cricket & Zimbabwe’s tour to Pakistan awarded to Sportzworkz which is an indian company but first Productions rights were given to PTV sports in presence of PRIME MINISTER IMRAN KHAN then why these sudden changes?? And no transparency? #PCBJawabDo pic.twitter.com/Zsl8KqJC5X
— Shozz (@Shozab_says) September 29, 2020
فریحہ خان نامی صارف لکھتی ہیں کہ ’آئی پی ایل میں کوئی بھی پاکستانی کھلاڑی موجود نہیں لیکن پی سی بی نے انڈین کمپنی کو حقوق دے دیے، اس کا جواب دہ کون ہے؟
Now who’s answerable? There’s not a single Pakistani Player in IPL lekn PCB ne indian company ko he rights de dye ajeeb #PCBJawabDo https://t.co/POU76jaejt
— Fareeha khan (@itsfareeha) September 29, 2020