Sorry, you need to enable JavaScript to visit this website.

سعودائزیشن کی خلاف ورزی پر 44 تارکین گرفتار

ریاض میں پرانے طرز کے ایک بازار میں کارروائی کی ہے(فوٹو ایس پی اے)
سعودی وزارت افرادی قوت نے ریاض میں 36 دکانیں سیل کردیں اور سعودائزیشن کی خلاف ورزی پر 44 تارکین کو گرفتار کیا ہے۔
وزارت افرادی قوت و سماجی بہبود کے انسپکٹرز نے دارالحکومت ریاض کے پرانے طرز کے ایک بازار میں چھاپہ مار کارروائی کی ہے۔ بغیر لائسنس دکانیں کھلی ہوئی تھیں۔ سعودائزیشن کی خلاف ورزی پر گرفتاریاں کی گئیں۔

ریاض میں 36 دکانیں سیل کی گئی ہیں( فوٹو سبق)

سبق ویب سائٹ کے مطابق وزارت افرادی قوت کے انسپکٹرز نے چھاپہ مہم کے دوران دس خلاف ورزیاں ریکارڈ کیں۔ انہوں نے ریکارڈ کیا کہ گھریلو کارکن زنانہ لوازمات دکانوں پر فروخت کررہے ہیں اور قانون محنت کی دفعہ 39 کی پابندی نہیں کی جا رہی۔ 
انسپکٹرز نے ریاض کے معروف عوامی بازار میں 180 دکانوں تفتیشی کارروائی کی اور اس بات کا جائزہ لیا کہ دکاندار سعودائزیشن کی پابندی کررہے ہیں یا نہیں۔  

یہ بھی دیکھا گیا کہ خواتین کے لیے مختص اسامیوں پر مرد تو کام نہیں کررہے(فوٹو سبق)

 اس بات کا بھی پتہ لگایا گیا کہ خواتین کے لیے مختص اسامیوں پر مرد تو کام نہیں کررہے۔ دکانداروں کی طرف سے قوانین محنت کی پابندی کا ریکارڈ بھی چیک کیا گیا۔ 
یاد رہے کہ وزارت افرادی قوت و سماجی بہبود سمارٹ آلات سے ’معا للرصد‘ ایپ کے ذریعے خلاف ورزیوں کی رپورٹیں بھی لیتی ہے جبکہ 19911 پر بھی رابطہ کرکے خلاف ورزیوں کی رپورٹ کی جاسکتی ہے۔ 

شیئر: