عمرہ زائرین کا سفر، ڈالر کی قدر میں کمی اور کورونا کے باعث پاکستان میں پابندیوں سمیت بڑی خبریں
عمرہ زائرین کا سفر، ڈالر کی قدر میں کمی اور کورونا کے باعث پاکستان میں پابندیوں سمیت بڑی خبریں
ہفتہ 3 اپریل 2021 5:37
پی آئی اے کی جانب سے سعودی عرب کے مزید شہروں کے لیے پروازیں چلانے کا اعلان کیا گیا ہے (فوٹو: عرب نیوز)
پاکستان میں جہاں پروازوں کی بندش کے باعث لاکھوں عمرہ زائرین کے سعودی عرب کے سفر سے متعلق خبر نمایاں رہی وہیں ڈالر کی قیمت میں ریکارڈ کمی، مختلف شہروں میں لاک ڈاؤن اور ماس ٹرانسپورٹ پر پابندی بھی اہم موضوعات رہے۔
حکومت کی جانب سے کم آمدن والے افراد کے لیے گھروں کی تعمیر و خریداری کے لیے اعلان کردہ قرضہ پروگرام میں مزید آسانیوں کا اعلان کیا گیا۔ پی آئی اے کی جانب سے سعودی عرب کے مزید شہروں کے لیے پروازوں کا معاملہ خصوصی توجہ پانے والے موضوعات کی فہرست میں شامل رہا۔
اسی دوران سی کیٹیگری سے تعلق رکھنے والے کورونا سے زیادہ متاثر ملکوں سے آنے والے مسافروں پر یہ پابندی بھی عائد کی گئی کہ وہ خصوصی اجازت نامہ حاصل کر کے ہی پاکستان میں داخل ہو سکیں گے۔
’عمران خان جلد صحت یاب ہوں‘ شاہ سلمان اور ولی عہد کی نیک خواہشات
خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان نے پاکستان کے وزیر اعظم عمران خان کو کورونا وائرس میں مبتلا ہونے پر ایک پیغام ارسال کیا۔
پروازوں کی بندش: رمضان میں پاکستان سے لاکھوں عمرہ زائرین کا سفر کرنا مشکل
سعودی حکام کی جانب سے پاکستان سمیت 20 ممالک سے آنے والے مسافروں پر داخلے کی پابندی میں توسیع کے بعد رواں سال بھی پاکستان سے رمضان میں عمرے کے لیے جانے والے لاکھوں افراد سعودی عرب کا سفر نہیں کر سکیں گے۔
سعودی عرب نے 17 مئی تک سفری پابندیوں میں توسیع کی ہے۔ ہر سال پاکستان سے عمرہ زائرین کی بڑی تعداد سعودی عرب کا سفر کرتی ہے لیکن ایک سال سے بین الاقوامی پروازوں پر مرحلہ وار بندشوں کی وجہ سے پاکستان سے عمرہ زائرین کی تعداد خاصی محدود رہی ہے۔
حکام کے مطابق پی آئی اے مشرق وسطیٰ سمیت وسطی ایشیائی ممالک کے نئے روٹس کے لیے فضائی آپریشن کو بڑھانے جا رہی ہے (فوٹو: اے ایف پی)
پی آئی اے سعودی عرب کے مزید کن شہروں کے لیے پروازیں شروع کر رہی ہے؟
پاکستان انٹرنیشل ایئر لائنز (پی آئی اے) نے اپنے فضائی آپریشن کو مزید وسعت دینے کے لیے بین الاقوامی روٹس میں اضافے کا اعلان کیا ہے۔
پی آئی اے کے ترجمان عبد اللہ حفیظ کے مطابق ’پی آئی اے انتظامیہ نے پاکستان سے منافع بخش بین الاقوامی روٹس پر کام کرتے ہوئے فضائی آپریشن کو بڑھانے کا فیصلہ کیا ہے۔‘
حکام کے مطابق پی آئی اے مشرق وسطیٰ سمیت وسطی ایشیائی ممالک کے نئے روٹس کے لیے فضائی آپریشن کو بڑھانے جا رہی ہے جن میں سعودی عرب کے روٹس بھی شامل ہیں۔
پاکستان میں ڈالر اس وقت 21 ماہ کی کم ترین سطح پر فروخت ہو رہا ہے۔ اقتصادی ماہرین کے مطابق رواں مالی سال کے دوران ڈالر کے مقابلے میں روپے کی قدر میں 9 فیصد اضافہ دیکھا گیا ہے جو کہ ریکارڈ اضافہ ہے۔
وزیراعظم پاکستان عمران خان نے انڈیا کے وزیراعظم نریندر مودی کو جوابی خط لکھا ہے (فوٹو: اے ایف پی)
شکایات کے بعد حکومت کا گھروں کے لیے قرضے میں نئی آسانیوں کا اعلان
وزیراعظم عمران خان کی جانب سے چھوٹے گھروں کے لیے رعایتی قرضوں کی سکیم کے اعلان کے باوجود بینکوں کی سخت شرائط کے باعث ملک بھر سے بہت کم درخواستیں آنے پر حکومت نے جمعرات کو ان قرضوں کے لیے نئی آسانیوں کا اعلان کیا۔
سی کیٹگری کے مسافروں کا پاکستان میں داخلہ ’خصوصی اجازت نامے‘ سے مشروط
پاکستان سول ایوی ایشن اتھارٹی نے سی کیٹگری میں شامل ممالک سے پاکستان آنے والے مسافروں پر عائد پابندی میں نرمی کر دی ہے۔ سی کیٹگری میں شامل 12 ممالک سے آنے والے مسافروں کو اب خصوصی اجازت نامے کے تحت سفر کی اجازت دی جائی گی۔
پنجاب کے نو شہروں میں لاک ڈاؤن، ماس ٹرانسپورٹ پر پابندی
پیر کو کابینہ کمیٹی کے اجلاس کے بعد لاہور میں نیوز کانفرنس میں وزیراعلیٰ پنجاب سردار عثمان بزدار نے بتایا کہ ’یکم اپریل سے زیادہ کورونا کیسز والے علاقوں میں وبا کو کنٹرول کرنے کے لیے موثر اقدامات کیے جائیں گے اور انہیں 11 اپریل تک بند رکھا جائے گا۔‘
پاکستانی فضائیہ کی سعودی و امریکی فضائیہ کے ساتھ مشقیںNode ID: 552886
