سعودی عرب میں بدعنوانی کے الزام میں 425 سرکاری ملازمین سے تحقیقات، 142 زیر حراست
کمیشن کا کہنا ہے زیر حراست میں کچھ کو ضمانت پر رہا کیا گیا ہے۔ (فوٹو: اخبار 24)
سعودی کنٹرول اینڈ اینٹی کرپشن کمیشن (نزاھۃ) نے جولائی 2025 کے دوران بدعنوانی کے کیسز میں 425 سرکاری ملازمین کے خلاف تحقیقات کی ہیں۔
اخبار 24 کے مطابق جمعے کو جاری بیان میں کہا گیا ہے کہ بدعنوانی کے الزام میں 142 افراد کو حراست میں لیا گیا جبکہ کچھ کو ضمانت پر رہا کر دیا۔
نزاھۃ نے بیان میں بتایا ’ایک ماہ میں دو ہزار تفتیشی دورے کیے، متعدد فوجداری اور انتظامی مقدمات کی بھی پیروی کی۔‘
مشتبہ اور زیرحراست افراد میں وزارت داخلہ، دفاع، نیشنل گارڈ، بلدیاتی و دیہی امور، ہاؤسنگ، تعلیم، صحت، انصاف اور افرادی قوت کے ملازمین کے علاوہ خود اینٹی کرپشن کمیشن کے افسران شامل ہیں۔
ان کے خلاف الزامات میں رشوت اور اختیارات کا غلط استعمال شامل ہیں۔
سعودی کنٹرول اینڈ اینٹی کرپشن کمیشن (نزاھۃ) نے بدعنوانی سے نمنٹے کےلیے اپنے عزم کا اعادہ کیا۔
سعودی عرب میں بدعنوانی کے الزام میں 82 سرکاری ملازمین گرفتارNode ID: 887660
