ریاض کا الخلیج پل آٹھ دن کے لیے بند، متبادل راستے کیا ہیں؟

سعودی وزارت نقل و حمل نے کہا ہے کہ ریاض شہر میں مشرق کی جانب جانے والا الخلیج پل پیر 10 مئی سے 17 مئی تک 8 دن مکمل طور پر بند  رہے گا۔

سبق ویب سائٹ کے مطابق وزارت نقل و حمل نے بیان میں کہا کہ  الخلیج پل دارالحکومت ریاض کے اہم پلوں میں سے ایک ہے۔ اس کی بدولت مشرقی ریاض مغربی ریاض سے جڑا ہوا ہے، اسے اصلاح و مرمت کے لیے بند کیا جارہا ہے۔ ڈرائیوروں کے لیے رہنما بورڈز نصب کیے جائیں گے۔  

محکمہ ٹریفک نے کہا ہے کہ الخلیج پل پانچ اہم راستوں کے لیے بند ہوگا۔ نئے ٹریفک روٹ قائم کیے گئے ہیں اور ٹریفک کو رواں دواں رکھنک کے لیے نئے راستوں کا بندوبست کیا گیا ہے۔

محکمہ ٹریفک کا کہنا ہے کہ جدہ مکہ سے آنے والا راستہ بند کردیا گیا ہے۔ یہ راستہ استعمال کرنے والے دس مئی سے شمال کی جانب جانے والا کنگ عبداللہ روڈ استعمال کریں اور کنگ خالد روڈ سے جنوب کی طرف آنے والے عبداللہ السحمی پل کا چوراہا استعمال کریں کیونکہ مشرق کی جانب مکہ روڈ کا راستہ بند ہوگا۔ محکمہ ٹریفک نے بتایا کہ جنوب یا شمال سے القاہرہ چوک آنے والے شمال یا جنوب کی جانب جانے والا کنگ فہد روڈ استعمالکرسکتے ہیں۔ 

محکمہ ٹریفک نے کہا کہ  کنگ عبدالعزیز مکہ روڈ کے چوراہے جانے والے کنگ عبدالعزیز سروس روڈ استعمال کرسکتے ہیں۔ وہاں سے وہ صلاح الدین ایوبی روڈ پکڑ سکتے ہیں۔

محکمہ ٹریفک کا کہنا ہے کہ سروس روڈ کی طرف لے جانے والی تمام ذیلی سڑکیں بن دہوں گی جبکہ مکہ روڈ اور صلاح الدین ایوبی روڈ کے چوراہے کا سگنل بند ہوگا۔ 

محکمہ ٹریفک الاحسا مکہ روڈ چوراہے کا سگنل بند کردے گا تاکہ مغرب اور مشرق کی جانب روڈ استعمال کرنے والے رواں دواں انداز میں سفر طے کرسکیں- النہضہ روڈ کی جانب سروس لائن کھول دی جائے گی۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں