نمازیوں کے کورونا میں مبتلا ہونے پر 23 مساجد عارضی طور پر بند

سعودی عرب میں وزارت اسلامی امور و دعوت و رہنمائی نے چھ علاقوں میں 23 نمازیوں کے کورونا وائرس میں مبتلا پائے جانے پر 23 مساجد عارضی طور پر بند کیا ہے۔

سعودی خبررساں ادارے ایس پی اے کے مطابق وزارت اسلامی امور نے ٹویٹر پر بیان میں کہا کہ گزشتہ 91 دنوں کے دوران مملکت بھر میں 1091 مساجد بند کی گئی ہیں۔ ان میں سے 1063 مساجد سینیٹائزنگ اور صحت ضوابط مکمل ہونے کے بعد بحال کی گئی ہیں۔

وزارت اسلامی امور کا کہنا ہے کہ سنیچر کو بند کی جانے والی 23 مساجد میں سے چھ کا تعلق عسیر ریجن، پانچ کا مدینہ  منورہ ریجن، چارکا القصیم، تین، تین کا الریاض اور مکہ مکرمہ اور دو کا جازان ریجن سے ہے۔

وزارت نے بتایا کہ بحال کی جانے والی 9 مساجد  میں سے چار کا تعلق مکہ مکرمہ ریجن، دو کا قصیم، ایک ، ایک کا جازان، الشرقیہ اور الباحہ ریجنوں سے ہے۔