جازان میں سعودی شہری گرفتار، 292 کلو گرام منشیات برآمد

سعودی محکمہ انسداد منشیات نے کہا ہے کہ جازان کی صبیا کمشنری میں ایک سعودی شہری کو حشیش کا کاروبار کرتے ہوئے گرفتارکیا گیا ہے۔

سبق ویب سائٹ کے مطابق محکمہ انسداد منشیات کے ترجمان محمد النجیدی نے بتایا کہ مقامی شہری کے قبضے سے منشیات کے علاوہ اسلحہ بھی برآمد ہوا ہے۔

ترجمان نے بتایا کہ سراغرساں اطلاع ملنے پر مشتبہ ملزم  کا تعاقب کررہے تھے۔ مقامی شہری کو 292 کلو گرام حشیش وصول کرتے ہوئے حراست میں لیا گیا۔

سعودی محکمہ انسداد منشیات کے ترجمان نے کہا کہ  مقامی شہری کے خلاف مقدمہ درج کرکے اسے پبلک  پراسیکیوشن کی تحویل میں دیا گیا ہے۔