Sorry, you need to enable JavaScript to visit this website.

’سعودی عرب ابھی ڈیلٹا وائرس سے محفوظ ہے‘

  ہمیں ہر ممکن حفاظتی تدبیر کرنا ہوگی۔(فائل فوٹو ایس پی اے)
سعودی عرب میں کنگ سعود یونیورسٹی کے معاون پروفیسر ڈاکٹر ناصر توفیق نے کہا ہے کہ سعودی عرب اب تک ڈیلٹا وائرس سے محفوظ ہے۔
وائرس کو یہاں آنے سے روکنے کے لیے احتیاطی تدبیر کے طور پر 4 ممالک سے مسافروں کی آمد پر پابندی بھی لگائی گئی ہے۔
الاخباریہ چینل سے گفتگو کرتے ہوئے انہوں نے کہا کہ عالمی ادارہ صحت کے اس بیان نے  خدشات بڑھا دیے ہیں کہ ڈیلٹا وائرس پر ویکسین اثر انداز نہیں ہورہی ہے۔
انہوں نے کہا کہ موجودہ صورتحال میں  ہمیں ہر ممکن حفاظتی تدبیر کرنا ہوگی۔ عبوری دور سے بحفاظت گزرنے کے لیے ہر ممکن احتیاط برتنا ہوگی۔
 وزارت صحت کی جانب سے جاری بیان  کے مطابق پیر کو ’گذشتہ 24 گھنٹوں کے دوران کورونا کے ایک ہزار 247 نئے مریض سامنے آئے جبکہ  ایک ہزار 429 افراد صحت یاب بھی ہوئے ہیں۔‘

 

شیئر: