تیونس کو ویکسین کی 10 لاکھ خوراکیں مہیا کرنے کی ہدایت
منگل 13 جولائی 2021 10:16
شاہ سلمان نے ویکسین کے علاوہ ادویات اور طبی سامان بھی مہیا کرنے کا حکم نامہ جاری کیا ہے۔ (فوٹو: سبق)
خادم حرمین شریفین شاہ سلمان بن عبد العزیز نے تیونس کو کورونا ویکسین کی 10 لاکھ خوراکیں مہیا کرنے کی ہدایت جاری کی ہے۔
سعودی پریس ایجنسی کے مطابق تیونس کے صدر قیس سعید نے ملک کو درپیش ابتر معاشی حالات کے پیش شاہ سلمان بن عبدالعزیز سے فوری طبی امداد مہیا کرنے کی اپیل تھی۔
شاہ سلمان نے تیونس کو کرونا وائرس کی ویکسین کے علاوہ ادویات اور طبی سامان بھی مہیا کرنے کا حکم نامہ جاری کیا ہے تاکہ یہ غریب عرب ملک اس مہلک وبا کے اثرات سے نمٹ سکے۔
واضح رہے کہ تیونس میں حالیہ دنوں میں کرونا وائرس کے یومیہ کیسز اور اس سے ہلاکتوں کی تعداد میں نمایاں اضافہ ہوا ہے اور حکومت اپنے موجودہ وسائل کے ساتھ اس وبا سے نمٹنے سے قاصر ہے۔
سعودی عرب میں کورونا ویکسین کی دو کروڑ خوراکیںNode ID: 582376
رواں سال حج کے لیے پہلا سمارٹ کارڈ جاریNode ID: 582481
