چار افراد کو حج مقامات تک پہنچانے والے سعودی کو قید و جرمانہ

سعودی محکمہ پاسپورٹ نے کہا ہے کہ ایام حج کے دوران بغیر اجازت حج مقامات تک پہنچانا قانونا جرم ہے- ایک سعودی شہری کو یہ سہولت فراہم کرنے پر قید و جرمانے کی سزا دی گئی ہے-

سبق ویب سائٹ کے مطابق محکمہ پاسپورٹ نے اس حوالے سے وضاحت جاری کی ہے کہ 4 افراد کو  اجازت نامے کے بغیر حج مقامات تک نقل و حمل کی سہولت فراہم کرنے والے سعودی شہری کو 15روز قید اور 40 ہزار ریال جرمانے کی سزا سنائی گئی ہے-

واضح رہے کہ ایام حج کے دوران پرمٹ کے بغیرکسی کو بھی مکہ جانے کی اجازت نہیں ہوتی- پرمٹ کے بغیر جانے پر 10 ہزار ریال جرمانہ اور قید کی سزائیں مقرر ہیں- اس کے علاوہ مقامی میڈیا میں اس حوالے سے تشہیر بھی کی جاتی ہے- جس پر من و عن عمل  درآمد کیا جاتا ہے-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں