تقریباً 140 کلومیٹر فی گھنٹہ کی رفتار سے چلنے والی ہواؤں کے ساتھ طوفان کو عمان کے شمالی ساحل سے شام کو گزرنا تھا۔
طوفان کی وجہ سے پروازیں معطل ہوئیں جبکہ سکولز بند کیے گئے۔
سلطنت کے دارالحکومت مسقط میں گاڑیاں گہرے پانی میں پھنسی ہوئی تھیں، جبکہ سڑکیں خالی پائی گئیں۔
ملک کے خلیجی پڑوسی متحدہ عرب امارات میں حکام کا کہنا تھا کہ وہاں بھی ’ہائی الرٹ‘ جاری کر دیا گیا تھا۔
عمان کی قومی کمیٹی برائے ایمرجنسی مینجمنٹ کا کہنا تھا کہ مسقط صوبے کے روسیل انڈسٹریل ایریا میں ایک گھر پر لینڈسلائیڈنگ کے بعد امدادی ٹیموں نے وہاں سے دو آدمیوں کی لاشیں نکالیں۔
کمیٹی نے مزید بتایا کہ اس ہی صوبے میں فلیش فلڈ کے نتیجے میں ایک بچہ ہلاک ہوا جبکہ ایک شخص لاپتہ ہے۔
حکام نے لوگوں سے درخواست کی ہے کہ نچلی سطح پر واقع علاقے یا وادی میں جانے سے گریز کریں۔ (فوٹو: اے ایف پی)
ایئرپورٹ حکام کے مطابق مسقط سے آنے اور جانے والی کچھ پروازوں کو معطل کردیا گیا تھا تاکہ خطرات سے بچا جا سکے۔
ملک کی سول ایوی ایشن اتھارٹی نے لوگوں سے درخواست کی ہے کہ کسی بھی نشیبی سطح پر واقع علاقے یا وادی میں جانے سے گریز کریں۔
عمان کی سرکاری نیوز ایجنسی کے مطابق ’موسم کی خراب صورتحال کے باعث‘ ملک میں حکام نے اتوار اور پیر کی عام تعطیل کا اعلان کرکے سکولوں کو بند کر دیا ہے۔
واضح رہے کہ خلیج میں مہلک طوفان وقتاً فوقاً آتے رہتے ہیں۔
مسقط میں گاڑیاں گہرے پانی میں پھنسی ہوئی تھیں، جبکہ سڑکیں خالی پائی گئی تھیں۔ (فوٹو: اے ایف پی)
مئی 2018 میں سمندری طوفان میکونو نے جنوبی عمان اور یمنی جزیرے سکوترا میں تباہی مچائی تھی، جس کے نتیجے میں کم از کم 11 افراد ہلاک ہوئے تھے۔
تاہم سمندری طوفان شاہین سے نمٹنے کی تیاری متحدہ عرب امارات میں بھی کی جا رہی ہے۔ حکام نے لوگوں سے درخواست کی ہے کہ ساحل اور نچلی سطح پر واقع علاقوں میں جانے سے گریز کریں۔
سنیچر کو متحدہ عرب امارات کی نیشنل ایمرجنسی کرائسز اینڈ ڈیزاسٹر مینجمنٹ اتھارٹی نے کہا تھا کہ ’ہم سب کو یقین دلانا چاہتے ہیں کہ متعلقہ حکام ہائی الرٹ پر ہیں اور کسی بھی موسمی صورتحال سے نمٹنے کے لیے تیار ہیں۔‘
ابوظبی میڈیا آفس کے مطابق عمان کی سرحد کر قریب واقع شہر العین میں تمام تعمیراتی کام منگل تک روک دیے گئے ہیں۔ جبکہ پیر اور منگل کو بچے گھر سے کلاسز میں شرکت کریں گے۔
سمندری طوفان 9 بجے تک عمان کے ساحلوں ٹکرائے گا، انخلا جاریNode ID: 605866
