اکتوبر کے لیے پٹرول کے سابقہ نرخ برقرار

سعودی تیل کمپنی ’آرامکو نے اتوار کی شب اکتوبر کے لیے پٹرول کے نئے نرخوں کا اعلان کیا ہے- جس میں سابقہ نرخ برقرار رکھے گئے ہیں- نئے نرخ 11 اکتوبر سے نافذ العمل ہوں گے-

آرامکو کی ویب سائٹ کے مطابق اکتوبر میں مملکت کے تمام ریجنز میں پٹرول 91 کے نرخ فی لٹر دو ریال 18 ہلالہ جبکہ پٹرول  95 کے نرخ 2 ریال 33 ہلالہ مقرر کیے گئے ہیں-

ڈیزل 52 ہلالہ فی لٹر اور کیروسین 70 ہلالہ فی لٹر میں دستیاب ہے جبکہ ایل پی جی کے نرخ  75 ہلالہ ہیں-

واضح رہے کہ آرامکو کی جانب سے ہر ماہ کی دس تاریخ کو پٹرول اور ڈیزل کے نئے نرخ متعین کیے جاتے ہیں-

یاد رہے کہ ستمبر میں بھی پٹرول کے نرخوں میں اضافہ نہیں کیا گیا تھا اور سابقہ نرخ برقرار رکھے گئے تھے-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں