پاکستان کرکٹ ٹیم کے آف سپنر ساجد خان نے بنگلہ دیش کے خلاف جاری ٹیسٹ میچ کی پہلی اننگز میں آٹھ کھلاڑیوں کو آؤٹ کر کے میچ میں پاکستان کی جانب سے میں سب سے زیادہ وکٹس لینے والے کھلاڑیوں کی فہرست میں چوتھے نمبر پر پہنچ گئے ہیں۔
پاکستان اور بنگلہ دیش کے درمیان ڈھاکہ میں ہونے والے ٹیسٹ میچ میں ساجد خان نے سپن کرتی ہوئی گیند کے جادو سے بنگلہ دیش کی ٹیم کی بیٹنگ لائن کو بڑا نقصان اٹھانا پڑا ہے۔ بنگلہ دیش کے خلاف اس اننگ میں اپنی شاندار کارکردگی دکھانے کے بعد ساجد خان پاکستان کے دوسرے آف سپنر بن گئے ہیں۔
پاکستان کرکٹ بورڈ کی سماجی رابطوں کی ویب سائٹ ٹوئٹر پر شائع ہونے والی فہرست کے مطابق ساجد خان نے وزیراعظم اور سابق کھلاڑی عمران خان اور عبوری ہیڈ کوچ ثقلین مشتاق کی ٹیسٹ میچ کی ایک اننگز میں 8 وکٹوں کے برابر کا ریکارڈ قائم کیا ہے۔ تاہم 9 وکٹوں کے ساتھ لیگ سپنرعبدالقادر پہلے، سرفراز نواز دوسرے اور یاسر شاہ تیسرے نمبر پر ہیں۔
Fourth in an illustrious list! pic.twitter.com/pEm9xujJcb
— Pakistan Cricket (@TheRealPCB) December 8, 2021
سوشل میڈیا صارفین بھی ساجد خان کی بنگلہ دیش کے خلاف اننگز میں آٹھ وکٹیں لینے پر خوشی کا اظہار کر رہے ہیں اور انہیں پاکستانی ٹیم کا بہترین آف سپینر قرار رہے ہیں۔
علی حسن نامی صارف لکھتے ہیں کہ ’سپن بولنگ کا جادو کوئی ساجد خان سے سیکھے۔‘
اسپن بولنگ کا جادو کوئی ساجد خان سے سیکھے#Pakistan #PakvsBan pic.twitter.com/Mdk9xDbndC
— Ali Hasan (@AaliHasan10) December 8, 2021
صارف احمر نجیب راجہ نے لکھا کہ ’ساجد خان مستقبل میں بھی حیرت انگیز کارکردگی دکھائیں گے۔ ہم میں سے بہت سے لوگوں نے ساجد خان کی کارکردگی پر شک کیا اور نے کارکردگی دکھائی۔‘
Many of us doubted the ability of Sajid Khan and he delivered. These are very decent resources, we just needed to give some time to this team, it will do wonders in the future INSHALLAH. Never judge a player too early in his career.#PAKvBAN
— Ahmer Najeeb Raja (@ahmersatti90) December 7, 2021
سلیم خالق نامی صارف نے لکھا ’ساجد خان کی بہترین بولنگ نے ڈرا کی جانب گامزن میچ میں نئی جان ڈال دی تھی۔ پاکستان پانچویں دن بھی ایسی ہی بولنگ کر کے میچ جیت سکتا ہے۔‘
ساجد خان کی بہترین بولنگ نے ڈرا کی جانب گامزن میچ میں نئی جان ڈال دی،پاکستان پانچویں دن بھی ایسی ہی بولنگ کر کے میچ جیت سکتا ہے،بارش سے اتنا وقت ضائع ہونے کے باوجود ٹیسٹ جیتنا بڑی بات ہوگی،بابر اعظم نے بھی ڈیکلیئریشن کا درست فیصلہ کیا
— Saleem Khaliq (@saleemkhaliq) December 7, 2021