انڈین وزیراعظم نریندر مودی کی ایک بار پھر سوشل میڈیا خصوصاً ٹوئٹر پر لوگوں کی توجہ کا مرکز ہیں جس کی وجہ پیر کو ان کی ’ورلڈ اکنامک فورم‘ میں کی جانے والی تقریر تھی۔
’ورلڈ اکنامک فورم‘ کا ورچوئل اجلاس سوئٹزرلینڈ کے شہر ڈیوس میں ہو رہا ہے۔
سوشل میڈیا پر وائرل ہونے والی ویڈیو میں دیکھا جا سکتا ہے وزیراعظم نریندر مودی اپنی تقریر شروع کرنے کے چند منٹ بعد خاموش ہو جاتے ہیں اور اپنے بائیں جانب دیکھتے ہیں اور کچھ الفاط بولنے کے بعد دوبارہ خاموش ہو جاتے ہیں۔
مزید پڑھیں
-
راہُل کے خواب اور مودی کا انتظار: معصوم دہلوی کا کالمNode ID: 627096
-
’مودی حکومت انڈیا کو خانہ جنگی کی طرف دھکیل رہی ہے‘Node ID: 630671
کچھ دیر بعد پھر مودی اپنے کان میں ہیڈ فون لگا لیتے ہیں۔ تقریر کے دوران اچانک خاموش ہو جانے کے پیچھے کیا وجہ ہو سکتی ہے؟
ٹوئٹر صارفین کا دعویٰ ہے کہ تقریر کے دوران انڈین وزیراعظم کا ’ٹیلی پرامپٹر‘ خراب ہو گیا تھا جس کے باعث انہیں تقریر روکنا پڑی۔
ونود کاپری نے ہندی زبان میں کی گئی ایک ٹویٹ میں کہا کہ ’افسوس کی بات یہ ہے کہ جیسے ہی ٹیلی پرامپٹر خراب ہوا، نریندر مودی کے منہ سے ایک لفظ نہ نکل سکا اور اس کے بعد ان کا ہکلانا مزید دردناک ہے۔‘
अविश्वसनीय
दुखद ये है कि #WEF संबोधन में Teleprompter फेल होते ही नरेंद्र मोदी एक शब्द मतलब एक शब्द तक नहीं बोल पाए और उसके बाद की हकलाहट तो और भी बहुत तकलीफ़देह है। pic.twitter.com/uqzwe0nKZz
— Vinod Kapri (@vinodkapri) January 17, 2022
انڈین کانگرس کے لیڈر راہل گاندھی نے بھی موقع کا بھرپور فائدہ اٹھاتے ہوئے وزیراعظم پر تنقید کرتے ہوئے لکھا کہ ’ٹیلی پرامٹر پر ایسا جھوٹ نہ سن سکا۔‘
ٹوئٹر پر وزیراعظم مودی کو ’ٹیلی پرامپٹر وزیراعظم‘ قرار دیا گیا اور یہ اس وقت سماجی رابطوں کی ویب سائٹ پر پر ٹاپ ٹرینڈ بھی ہے۔
’بیبن‘ نامی ایک صارف نے لکھا کہ ’اقوام متحدہ نے مسٹر مودی کو دنیا کا بہترین ٹیلی پرامپٹر وزیراعظم قرار دے دیا ہے۔‘
انڈین صحافی روہینی سنگھ کو انڈین وزیراعظم کی ویڈیو نے پاکستانی وزیراعظم عمران خان کی یاد دلا دی۔