لندن... آرمی چیف جنرل قمر جاوید باجوہ نے کہا ہے کہ انہوں نے کہا کہ افغانستان میں امن مشترکہ مفاد میں ہے۔ دونوں ممالک کو ترجیحی بنیادوں پربارڈر سیکیورٹی میکنزم طے کرنے کی ضرورت ہے۔آئی ایس پی آر کے مطابق آرمی چیف نے برطانوی وزارت دفاع کا دورہ کیا ۔ ترجمان پاک فوج کے مطابق آرمی چیف نے برطانوی چیف آف ڈیفنس اسٹاف سے ملاقات کی پاک افغان بارڈر مینجمنٹ کے لئے پاکستان کے اقدامات سے آگاہ کیا ۔جنرل باجوہ نے برطانوی نمائندہ خصوصی برائے افغانستان و پاکستان اوون جینکنس اور امریکی ریسولوٹ سپورٹ مشن کے کمانڈر جنرل جان نکولسن سے بھی علیحدہ علیحدہ ملاقاتیں کیں۔ برطانوی قیادت ، آرا یس ایم کمانڈر نے امن واستحکام کے لئے پاک فوج کی کوششوں کو سراہا۔ اس موقع پر جنرل باجوہ نے کہا کہ پاکستان امن پسند ملک ہے جو خطے میں پائیدارامن و استحکام کے لئے اپنا مثبت کردارجاری رکھے گا لیکن دشمن کو شکست دینے کے لئے دوسری طرف سے بھی ایسے ہی اقدامات کی ضرورت ہے ۔ بارڈر سیکیورٹی میکنزم پاکستان اور افغانستان کے لئے اہم ہے۔ آرمی چیف نے سی پیک منصوبے کی اہمیت پرروشنی ڈالتے ہوئے کہا کہ اس منصوبے کا مقصد علاقائی اورغیرعلاقائی اقتصادی ترقی ہے۔ اس منصوبے کو خطے کے اقتصادی تناظرمیں دیکھنا چاہیے۔
