سوشل میڈیا پر جھوٹے اشتہار چلانے پر شہری گرفتار

ریاض پولیس نے سوشل میڈیا پر جھوٹے اشتہارات چلانے والے شہری کو گرفتار کرلیا ہے۔

سعودی پریس ایجنسی کے مطابق مذکورہ شخص ریاض میں ہونے والے تفریحی پروگرامات کے ٹکٹ فروخت کرنے کے جھوٹے اشتہار چلا رہا تھا۔

ریاض پولیس نے کہا ہے کہ ’مذکورہ شخص لوگوں سے رقوم لے کر انہیں جعلی ٹکٹیں دیا کرتا تھا۔‘

’متعدد افراد کی طرف سے ملنے والی شکایات پر اس کی شناخت ہوئی اور اسے گرفتار کرلیا گیا ہے۔‘