ابشر سروس کے حوالے سے ایک شخص نے دریافت ’کیا وزٹ ویزے پرآنے والا اپنا ابشراکاونٹ بنا سکتا ہے؟‘
اس حوالے سے جوازات کے پورٹل ابشر کی جانب سے جواب دیا گیا کہ وزٹ ویزے پر آنے والے اپنا ابشر اکاونٹ بنا سکتے ہیں۔ ابشراکاونٹ کے ذریعے ان کے تمام قانونی معاملات انجام دیے جاتے ہیں۔
واضح رہے وزارت داخلہ کی جانب سے ڈیجیٹل طریقے سے خدمات کی فراہمی کو یقینی بنانے کے لیے بہترین پلیٹ فارم مہیا کیے جاتے ہیں جن میں سب سے معروف اورضروری پلیٹ فارم ’ابشر‘ ہے۔
ابشر پلیٹ فارم پر ہرسعودی شہری اور یہاں رہنے والے غیر ملکی کا اکاؤنٹ بنانا لازمی ہے۔ وزارت داخلہ کی جانب سے سرکاری معاملات کو ڈیجیٹلائز کرنے کے لیے ابشر پلیٹ فارم کی سہولت فراہم کی گئی ہے۔
شخصی معاملات کی انجام دہی کے لیے ‘ابشر’ پلیٹ فارم استعمال کیا جاتا ہے جبکہ تجارتی یا کمپنیوں کے لیے ‘مقیم’ مخصوص ہے۔
ابشرمیں اکاؤنٹ بنانےکے لیےاقامہ ہولڈر کے علاوہ وزٹ ویزے پرآنے والوں کو بھی سہولت فراہم کی جاتی ہے۔ وزٹرز کو یہ سہولت ان کے پاسپورٹ نمبر اورمملکت میں داخل ہونے کے بعد جاری کیا جانے والا امیگریشن انٹری نمبر کے ذریعے فراہم کی جاتی ہے۔
ابشراکانٹ بنانے سے کافی سہولت ہوتی ہے جس کے بعد تمام معاملات ڈیجیٹل طریقے سے مکمل کیے جاسکتے ہیں۔ (فوٹو: ٹوئٹر)
ابشر اکاؤنٹ بنانے کے مختلف طریقے ہیں جن میں سب سے بہتر طریقہ جوازات کے دفتر یا مختلف مقامات پر نصب کی گئی جوازات کی خود کار کمپیوٹرز کے ذریعے کیا جاسکتا ہے۔
دوسرا طریقہ بینک اکاؤنٹ کے ذریعے بھی کیا جاسکتا ہے۔ جبکہ تیسرا طریقہ جوازات کے پورٹل پرلاگ ان کرکے وہاں اپنا اکاؤنٹ بنانے کے لیے معلومات فیڈ کی جائیں جس کے بعد جوازات کی جانب سے نصب میشنوں پرفنگرپرنٹ اور آئی اسکینگ کرکے اکاؤنٹ کو اپ ڈیٹ کیا جاسکتا ہے۔
واضح رہے ابشراکانٹ بنانے سے کافی سہولت ہوتی ہے جس کے بعد تمام معاملات ڈیجیٹل طریقے سے مکمل کیے جاسکتے ہیں جن میں وزٹ ویزے کی توسیع اور دیگر معاملات شامل ہیں جبکہ ابشر اکاونٹ کی سہولت سے قبل جوازات کے دفترجانا پڑتا تھا مگر اس سہولت کے بعد جوازات کے دفترجانے کی ضرورت نہیں رہی اور گھر بیٹھے ہی تمام معاملات انجام دیے جاسکتے ہیں۔
جوازات میں کارکن کی فائل ’سیز‘ ہونے پر اقامہ تجدید ہوگا؟Node ID: 652011
سعودی عرب سے باہر پاسپورٹ گم ہونے پر واپسی کیسے؟Node ID: 655371
مسجد الحرام میں اعتکاف کے لیے اندراج کیسے کرائیں؟Node ID: 655451
