امارات میں پٹرول کے نئے نرخ، ایک لٹر پٹرول اور ڈیزل چار درھم سے زیادہ

متحدہ عرب امارات نے جون 2022 کے لیے پٹرول اور ڈیزل کے نرخوں میں ریکارڈ اضافہ کیا ہے۔

الامارات الیوم کے مطابق امارات میں پٹرول اور ڈیزل کے نرخوں کی نگراں کمیٹی نے کہا ہے کہ ’بدھ یکم جون سے نئے نرخوں پر عملدرآمد کیا گیا ہے، پانچ فیصد ویلیو ایڈڈ ٹیکس شامل ہے‘۔

پٹرول 98 کی نئی قیمت اضافے کے بعد 4 درہم 15 فلس ہوگئی۔ مئی میں 3.66 درہم تھی۔ فی لٹر 49 فلس بڑھائے گئے۔ 13.4 فیصد اضافہ ہوا ہے۔

پٹرول 95 خصوصی کی نئی قیمت 4.03 درہم ہے۔ مئی میں نرخ 3 درہم 55 فلس تھے۔ فی لٹر 48 فلس بڑھائے گئے ہیں۔ 13.5 فیصد اضافہ ہوا ہے۔

پٹرول 91 ای پلس کی مئی میں قیمت 3 درہم 48 فلس تھی۔ جون کے لیے نئی قیمت 3.96 درہم  ہوگئی۔ 48 فلس اضافے کے ساتھ  13.8 فیصد اضافہ کیا گیا۔

ڈیزل کی قیمت مئی میں 4.08 درہم تھی جو جون میں بڑھ کر 4 درہم 14 فلس کی گئی ہے۔ اس میں 1.5 فیصد اضافہ کیا گیا ہے۔