اس سال بیرون ملک فضائی، بری اور بحری راستوں سے آنے والے تمام عازمین سعودی عرب پہنچ گئے۔
سبق ویب سائٹ کے مطابق حج سے متعلق پاسپورٹ فورس کے کمانڈر نے پیر کو اعلان کیا کہ اس سال مملکت کے باہر سےعازمین حج کی آمد مکمل ہوچکی ہے۔
پاسپورٹ فورس کے کمانڈر نے کہا کہ مناسک حج کی ادائیگی کے بعد وزارت حج و عمرہ اور محکمہ شہری ہوابازی کے تعاون سے حجاج کو گروپوں کی شکل میں ان کے وطن واپس بھجوایا جائے گا۔
پاسپورٹ فورس کے کمانڈر نے کہا کہ حجاج کی واپسی کا پروگرام بھی تیار کرلیا گیا ہے۔
