کویت میں جنرل سٹاف آف دی آرمی کے ماتحت ایک کیمپ میں کویتی فوجی اپنے ساتھی کی’ فائرنگ‘ سے ہلاک ہوگیا۔
کویتی جریدے ’الرای‘ کے مطابق کویتی جنرل ہیڈ کوارٹر نے بیان میں کہا ہے کہ’ اتوار کی صبح ایک فوجی اپنے ساتھی کی فائرنگ سے ہلاک ہوگیا‘۔
فائرنگ کرنے والے اہلکار کو گرفتار کرکے متعلقہ ادارے کے حوالے کردیا گیا، اس سے پوچھ گچھ کے دوران واقعہ کی تفصیلات اور اسباب دریافت کیے جارہے ہیں۔
کویتی جنرل ایچ کیو نے ذرائع ابلاغ اور سوشل میڈیا صارفین سے کہا کہ ’وہ اس قسم کے واقعات کے بارے میں سرکاری ذرائع پر انحصار کریں‘۔
’ غیر ذمہ داراداروں کی جانب سے جاری اور پھیلائی جانے والی خبروں پر توجہ نہ دی جائے۔ سرکاری ذرائع سے درست معلومات مل سکتی ہیں‘۔
