بلا وجہ ہارن بجانے پر جرمانہ ہوسکتا ہے: سعودی محکمہ ٹریفک
جمعرات 6 اکتوبر 2022 15:35
بلا وجہ ہارن بجانا ٹریفک قوانین کے مطابق خلاف ورزی ہے جس پر جرمانہ ہوسکتا ہے۔ فوٹو۔ ٹوئٹر
سعودی عرب میں محکمہ ٹریفک نے تمام ڈرائیوروں کو بلا وجہ ہارن بجانے سے منع کرتے ہوئے کہا ہے کہ ایسا کرنا ٹریفک قوانین کی خلاف ورزی ہے۔
سبق ویب سائٹ کے مطابق محکمے نے کہا ہے کہ ’بلا وجہ ہارن بجانے سے دوسرے ڈرائیوروں سمیت راہ گیر پریشان ہوتے ہیں‘۔
محکمے نے کہا ہے کہ ’بلا وجہ ہارن بجانا ٹریفک قوانین کے مطابق خلاف ورزی ہے جس پر جرمانہ ہوسکتا ہے‘۔