ویمن ایشیا کپ میں پاکستان ویمن ٹیم نے سری لنکا کو پانچ وکٹوں سے ہرا دیا ہے۔
بنگلہ دیش کے شہر سلہٹ میں منگل کو کھیلے گئے میچ میں پاکستان کی خواتین کھلاڑیوں کی کارکردگی عمدہ رہی۔
میچ کی خاص بات جہاں عمائمہ سہیل کی پانچ وکٹیں تھیں وہیں عائشہ نسیم کے لگاتار دو چھکوں ںے پاکستان ٹیم کو سنسنی خیز جیت دلوا دی۔
مزید پڑھیں
پاکستان ویمن ٹیم کو جیت کے لیے 9 گیندوں پر 12 رنز درکار تھے کے عائشہ نسیم نے دو گیندوں پر دو چھکے لگا کر میچ اپنے نام کر لیا۔
عائشہ نسیم کے ان چھکوں نے کرکٹ مداحوں کو پاکستان مینز کرکٹ ٹیم کے بولر نسیم شاہ کے افغانستان کے خلاف چھکوں کی یاد تازہ کروا دی۔
گزشتہ ماہ شارجہ میں کھیلے گئے مینز ایشیا کپ کے میچ میں نسیم شاہ نے پاکستان ٹیم کو تب دو چھکے لگا کر میچ جتوایا تھا جب افغانستان کو جیت کے لیے صرف ایک وکٹ درکار تھی۔
اسی سلسلے میں سماجی رابطوں کی ویب سائٹ ٹوئٹر پر عائشہ نسیم اور نسیم شاہ کے چھکوں کا موازنہ دیکھنے میں آ رہا ہے۔
ارحم لکھتے ہیں کہ ’جن کھلاڑیوں کے نام میں نسیم ہو وہ لگاتار چھکے لگا کر جیتنا پسند کرتے ہیں۔‘
Players with Naseem in their name love winning games with back to back sixes pic.twitter.com/T2ZPb0FyMw
— LcfcArham(@LazyArham) October 11, 2022
فاطمہ مسرور نے کہا کہ ’عائشہ نسیم، کیا فنیشر ہیں، ہماری نسیم شاہ ہیں۔‘
AYESHA NASEEM, WHAT A FINISH. OUR NASEEM SHAH!!!
— Fatima Masroor (@beingfatyma_) October 11, 2022
سحرش نے نسیم شاہ کی افغانستان کے خلاف تاریخی اننگز کی تصویر اپلوڈ کرتے ہوئے کہا کہ ’آج عائشہ نسیم۔‘
سعد کا کہنا تھا کہ ’عائشہ نسیم نے ابھی شاہد آفریدی کی 2014 اور نسیم شاہ کی 2022 کی اننگز کی یاد تازہ کروا دی۔‘
AYESHA NASEEM JUST DID SHAHID AFRIDI 2014 AND NASEEM SHAH 2022
— S A A D (@SaadSays22) October 11, 2022
