اب تک 20 لاکھ عمرہ ویزے جاری گیے گئے
جمعرات 20 اکتوبر 2022 23:56
آئندہ ایام میں بڑی تعداد میں عمرہ زائرین کی آمد متوقع ہے(فوٹو، ٹوئٹر)
سعودی وزارت حج وعمرہ نے کہا ہے کہ رواں سال ہجری کے آغاز سے اب تک 176 ممالک کے لیے 20 لاکھ سے زائد عمرہ ویزے جاری کیے جاچکے ہیں۔
العربیہ نیٹ سے گفتگو کرتے ہوئے حج وعمرہ اورزیارت قومی کمیٹی کے رکن ’ھانی العمیری‘ نے بتایا کہ 150 کے قریب عمرہ کمپنیوں کی جانب سے زائرین کو مملکت آمد سے لیکرروانگی تک معیاری خدمات فراہم کی جارہی ہیں۔
العمیری نے مزید کہا کہ امسال اب تک سب سے زیادہ عمرہ پرآنے والے کا تعلق انڈونیشیا ، عراق، ترکی ، پاکستان ، ملائیشیا ، انڈیا اورآذربیجان سے ہے۔
انہوں نے کہا کہ آئندہ ایا م میں دیگر ممالک سے عمرہ زائرین بڑی تعداد میں مملکت پہنچیں گے۔ سال رواں کی پہلی سہ ماہی کے دوران مسجد نبوی میں 40 ملین سے زیادہ زائرین آئے ، انتظامیہ نے زائرین کے لیے مصنوعی ذہانت سے آراستہ جدید ترین مشینوں اوراعلی درجے کی سہولتوں کا اہتمام کیا۔
دریں اثنا حرمین شریفین کی انتظامیہ نے کہا ہے کہ رواں سال ہجری کی پہلی سہہ ماہی کی دوران 30 ملین سے زائد زائرین نے مسجد نبوی میں حاضری دی انہیں ہرطرح کی سہولیتں فراہم کی گئیں
