سعودی وزیر خارجہ کا او آئی سی کے سربراہ سے رابطے میں تعلقات کا جائزہ

سعودی عرب کے وزیر خارجہ شہزادہ فیصل بن فرحان اور اسلامی تعاون تنظیم کے سیکریٹری جنرل حسین ابراہیم طٰحہ کے درمیان ٹیلی فونک گفتگو ہوئی ہے۔

عرب نیوز کے مطابق سعودی وزارت خارجہ نے بدھ کو کہا ہے کہ ٹیلی فونک گفتگو کے دوران مملکت اور اسلامی تعاون تنظیم کے درمیان مختلف شعبوں میں تعاون کے پہلوؤں کا جائزہ لیا گیا۔

اس کے علاوہ علاقائی اور بین الاقوامی امور پر بھی بات چیت ہوئی۔

وزیر خارجہ شہزادہ فیصل بن فرحان کی قبرص کے وزیر خارجہ وانس کاسولیڈس اور کرغزستان کے وزیر خارجہ زینبک کولوبائف سے بھی الگ الگ ٹیلی فونک گفتگو ہوئی ہے۔

ٹیلی فونک گفتگو کے دوران دو طرفہ تعلقات کا جائزہ لیا گیا اور مختلف شعبوں میں تعاون بڑھانے اور مشترکہ اقدامات کے ذریعے علاقائی اور بین الاقوامی معاملات آگے بڑھنے پر گفتگو کی۔